Os días 27, 28, 29 e 30 de xuño terá lugar o primeiro encontro cinematográfico Vigo Límite 36 horas.
Coa intención de potenciar os lazos que unen a cidade de Vigo coa cinematografía, a Escola Superior de Artes Cinematográficas de Galicia, en colaboración co Concello de Vigo, organiza o primeiro encontro cinematográfico Vigo Límite 36 horas. Un concurso no que os participantes terán que producir, rodar e entregar unha curtametraxe sobre un mesmo tema: Vigo a través dos sentidos. A súa interpretación é totalmente libre, permitindo que os participantes poidan expresar toda a súa creatividade a través dos seus proxectos.
Para finalizar o encontro, o sábado 30 ás 20:00 horas, no Verbum-Casa das Palabras (Avenida de Samil, 17), celebrarase unha gala moi especial na que, amais da proxección dos traballos realizados, un xurado formado por profesionais do sector seleccionará o palmarés desta primeira edición. Os e as participantes poderán levar un primeiro premio de ata 1.000 €, e un segundo de ata 700 € (dependendo do volume de inscrición, xa que o 40% destinarase a premios en metálico).
O prazo de inscrición está aberto e finaliza o 26 de xuño ás 15:00 horas. As persoas interesadas poden consultar as bases a través de www.egaci.net/36horas ou solicitar máis información no mail: limite36horas@egaci.net