Premio Revelación Chano Piñeiro

Coa concesión deste galardon, a Academia quere destacar profesionais, iniciativas ou fitos no audiovisual galego merecentes dun recoñecemento ao seu potencial dentro da industria.

A Academia tamén quere honrar con este galardón a memoria do director de Sempre Xonxa, primeira longametraxe galega rodada en 35 mm. A súa estrea coincidiría, en 1989 con Urxa de Carlos A. López Piñeiro e Continental de Xavier Villaverde, fito que está considerado o momento inaugural da industria cinematográfica galega.