Os videoxogos xa superan a taquilla do cinema e as vendas achéganse ás do DVD, segundo afirmou hoxe Jorge Huguet, Senior Marketing Manager para España y Portugal de Sony Computer Entertainment ( PlayStation ) no II Congreso Galego Audiovisual. Consúmense perto de 100 horas ó ano en videoxogos, superando ó resto das técnicas de lecer, incrementándose o consumo en máis dun 20 por cento dende o 1995. No ano 1983, o orzamento dun videoxogo era de 0,04 millóns de dólares, e hoxe sitúase en 45 millóns aproximándose cada vez máis ó das películas.
Imos cara un mundo interactivo dixital sen cables, afirmou Huguet, para quen os videoxogos son máis sociais do que aparenta, xa que nalgún momento pódese estar só, pero son un producto de lecer para compartir cos amigos. Unha das claves do videoxogo é a simplicidade e as emocións que espertan. O diñeiro é para Huguet outro dos puntos fortes, xa que o usuario fai un forte investimento pero no tempo, polo que o ve rendible. OS VIDEOXOGOS SUPERAN XA A TAQUILLA DO CINEMA E AS VENDAS ACHÉGANSE ÁS DO DVD
Jorge Huguet no II Congreso Galego Audiovisual que hoxe se clausura en Santiago
Santiago, sábado 18 decembro 2004.- Os videoxogos xa superan a taquilla do cinema e as vendas achéganse ás do DVD, segundo afirmou hoxe Jorge Huguet, Senior Marketing Manager para España y Portugal de Sony Computer Entertainment ( PlayStation ) no II Congreso Galego Audiovisual. Consúmense perto de 100 horas ó ano en videoxogos, superando ó resto das técnicas de lecer, incrementándose o consumo en máis dun 20 por cento dende o 1995. No ano 1983, o orzamento dun videoxogo era de 0,04 millóns de dólares, e hoxe sitúase en 45 millóns aproximándose cada vez máis ó das películas.
Imos cara un mundo interactivo dixital sen cables, afirmou Huguet, para quen os videoxogos son máis sociais do que aparenta, xa que nalgún momento pódese estar só, pero son un producto de lecer para compartir cos amigos. Unha das claves do videoxogo é a simplicidade e as emocións que espertan. O diñeiro é para Huguet outro dos puntos fortes, xa que o usuario fai un forte investimento pero no tempo, polo que o ve rendible.
A razón do éxito dos videoxogos é a evolución tecnolóxica, a creatividade nos contidos e a imaxe de marca. Cada vez xogan máis mulleres e persoas adultas, en contra do que resultaba ó comezo da súa introducción no mercado, destiñado naquel intre máis ben ós cativos. A meirande parte dos consumidores, teñen entre 11 e 35 anos, e a media está nos 21 anos. A combinación de utilidades é un atractivo do mercado. Puxo como exemplo a Play-Station, xa que tamén se pode reproducir en DVD. O futuro, afirmou Jorge Huguet, vai deixar paso ó blue-ray, que duplica en capacidade ó DVD.
Dixo tamén que na creación dos videoxogos, téndese á copia-la realidade, gracias ó avance técnico, o que supón un maior atractivo para o consumidor. Os escenarios son outro punto importante a ter en conta, xa que tentan achegarse tamén á realidade na medida do posible. A maxia ven da man da música e dos efectos de son, primordiais na creación de calquera videoxogo.
Referíuse tamén ás últimas novidades en videoxogo: a webcam que mete de cheo ó usuario no xogo e recoñece mesmo os seus movementos.
A imaxe de marca é tamén un factor importante: é distinta ós demais productos: é xove, sorprendente, rebelde… porque vai á percura da mocidade. Esta imaxe busca ademais a diferencia cos demais productos, o que garante normalmente o éxito do producto. Toda a cultura do videoxogo para Huguet, está metida na sociedade, e iso é o que representan e reflicten nos seus anuncios publicitarios.
Salientou que o que se precisa fundamentalmente para crear un videoxogo son idea; a parte creativa e comercial deben estar moi unidas e traballar en conxunto. Falou por último da nova P3, que está concibida coma un servidor que non engloba unicamente xogos, senón que é un aparato único no fogar e que aglutina máis funcións, porque –afirmou- non se pretende (no caso da Play-Station- limita-lo mercado ó videoxogo, dado que o eido audiovisual é moito máis amplo.