Como obxectivos xerais, a medio e longo prazo, a Academia propúxose:
- Fomentar o progreso das artes e das ciencias relacionadas directa ou indirectamente coa producción audiovisual galega.
- Promove-la asistencia e o intercambio de información científica, artística e técnica entre tódolos seus membros.
- Realizar estudios e traballos sobre cuestións relacionadas coa producción audiovisual.
- Facilitar á Administración Pública os informes que sobre materias relacionadas coa producción audiovisual lle sexan solicitadas, así coma propor á mesma as iniciativas que a Academia estime oportunas.
- Editar e difundir estudios científicos, artísticos e técnicos que a Xunta Directiva estime oportunos.
- Promover a investigación científica en materia audiovisual.
- Establecer intercambios científicos, artísticos e culturais con entidades similares nacionais ou estranxeiras.
- Promover o desenvolvemento e perfeccionamento das distintas especialidades relacionadas co sector audiovisual, fomentar o intercambio de experiencias entre os seus membros, coordinar os diferentes aspectos da súa actuación e analizar e resolver os problemas comúns.
- Ademais, a Academia organizará os premios anuais ós mellores traballos audiovisuais da Comunidade Autónoma Galega.