Os días 17, 18 e 19 de decembro de 2014, levaranse a cabo ás XIV Xornadas Mostra de Curtametraxes do Ateneo Ferrolán, comezadas no ano 2001 con grande interese do público en xeral. O Ateneo Ferrolán convida a todos os que queiran participar a achegarlles os seus traballos de menos de 20´en DVD, preferentemente en lingua galega, acompañado dunha ficha cumprimentada cos datos da curta e do director antes do venres, día 5 de decembro para poder ser engadidos no programa deste ano.
Como lembranza do que foron estas XORNADAS ao longo destes catorce anos de andadura dicir que na súa programación priman as curtas galegas e en galego pero que tamén dan paso para coñecer outros autores a nivel internacional.
Nestes días amosaranse curtametraxes e creacións de cineastas, case que sempre noveis, e con especial atención aos cineastas galegos e galegas en especial. O obxectivo é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.