A Federación de Cineclubes de Galicia (FECIGA), presentará este sábado 12 de maio, dentro dos Encontros de cinema de Viana do Castelo (Portugal), a rede alternativa, constiuída principalmente con produccións galegas, para a súa difusión polos cineclubes de Portugal, Cataluña e Galicia.
O acordo de creación da citada rede, tomouse en novembro pasado, no marco dos encontros de cineclubes, celebrados en Ourense, e componse de 4 documentais e un mediometraxe (ver detalle, no anexo), enviadas polas productoras, para integrar o catálogo aportado pola Federación de Cineclubes de Galicia, de Portugal e Cataluña.
A existencia desta rede supón, o acceso a máis de 120 pantallas que compoñen a rede, e unha vía de acceso alternativo á difusión cinematográfica, copado maioritariamente polas multinacionais americanas que impoñen o seu propio catálogo de exhibición.
Ademáis, no Encontro de Viana do Castelo, se outorgará o premio PrimeirOlhar, co obxectivo de promover o documental, e destinado aos alumnos das escolas de cinema e audiovisuais de Galicia e Portugal, dotado con mil euros por ambas federacións de cineclubes.
Este ano, celébrase a 8º edición, que xunta a representantes do cineclube Lumiêre de Vigo, Pontevedra, Os Chaos de Amoeiro e o Cineclube Padre Feijoo de Ourense. Ademáis dentro do apartado Olhares frontais, se mostraran traballos das escola AFTRS de Australia, e unha selección das mellores curtas europeas da European Film Academy (EFA).