Eduardo Arroyo, director de programas de entretemento como CQC, Noche H e Estas no son las noticias explicará aos alumnos de MPXA a creación e desenvolvemento de programas de entretemento, o vindeiro venres, día 20 de marzo. Durante esta xornada traballarán os diversos aspectos de programas que mesturan a información e o entretemento (infotainment) e unha vez establecida a dinámica neste tipo de programas, realizarán un taller no que crearán un formato destas características. Arroyo ademais de director, é guionista de programas televisivos como El club de la comedia, UHF e 59 segundos.