A empresa Abano Produccións, liderada por Chelo Loureiro, viaxou a Noruega a presentar no Cartoon Forum o seu proxecto A Tropa de Trapo –The Happets, título en inglés-, sendo este ano a única presenza galega.
A súa presentación, realizada conxuntamente con Alex Colls, director da longametraxe cinematográfica e da serie para televisión, asistiron un importante número de broadcasters internacionais como BBC, Disney Channel Worldwide, Nickelodeon, HIT Entertainment… e nacionais como TVE, TV3 e Canal Sur, manifestando todos eles o seu interese polo proxecto.
Abano Produccións foi creada en 2008 pola produtora executiva de animación Chelo Loureiro, responsable de títulos de longametraxes, series e curtametraxes como «De Profundis», «La flor más grande del mundo», «La crisis carnívora», “¿Y por qué?” o “El Soldadito de Plomo” realizadas coa produtora Continental.
O Cartoon Forum é un foro de cooperación europea onde cada ano son presentados centos de proxectos de animación que vense sometidos a un riguroso proceso de selección. Nesta edición foron elixidos 61 traballos de 19 países, e participaron 725 profesionais entre broadcasters, inversores e produtores.