Tralo traballo da Comisión de Seguimento das candidaturas aos PMM 09, a Academia Galega do Audiovisual fixo pública hoxe na súa web a listaxe das propostas aceptadas. Dende hoxe mesmo comeza o prazo de alegacións que se prolongará ata o día 18 de xaneiro, ás 13 horas.
As candidaturas aceptadas pódense atopar nesta web, na sección de Actividades / Premios Mestre Mateo. O día 20 de xaneiro daranse a coñecer as candidaturas definitivas presentadas.