O pasamento este mes de agosto de Dolores Ben, nada en Loiba en 1954, deixa unha gran tristura e moitísimas mostras de cariño e admiración de toda a profesión.
Muller pioneira do audiovisual galego, foi presidenta de AGAPI dende 2007 a 2019, e unha das principais figuras da dobraxe en Galicia tanto en Sonidor como en Cinemar Films. Co seu esforzo constante a prol da unión das e dos profesionais galegos e a súa determinación e bo facer contribuíu enormemente á construción e fortalecemento da industria audiovisual galega. Sempre mantendo o seu magnífico carácter e un gran orgullo e compromiso co sector e con Galicia.
No ano 2011, a Academia Galega do Audiovisual outorgoulle o premio de honra Fernando Rey en recoñecemento á súa carreira. As súas palabras seguen vixentes a día de hoxe.
Dende a Academia sumámonos á profunda dor pola súa perda e ao recoñecemento ao seu enorme labor.
Que a terra che sexa leve, Dolores.