Hoxe luns, 30 de setembro, a Televisión de Galicia presenta “Chapa e pintura”, a nova comedia para a noite dos luns. Dos productores de “Mareas vivas”, “Padre Casares” e “Matalobos”, a serie conta cun reparto de excepción, con Manuel San Martín (“Géminis”, “Libro de familia”) e Mara Sánchez (“Mareas vivas”, “Libro de familia”, “Matalobos”) nos papeis protagonistas. Este luns, o especial “Facendo chapa e pintura” contaranos todos os segredos da serie. Será a partir das 22.15 horas. Porque de segredos, Chapa e Pintura vai sobrada. De segredos, de humor, de grandes pifiadas e pequenos momentos xeniais. É dicir, comedia en estado puro.
Pero, canto traballo escóndese detrás dunha serie de televisión como Chapa e Pintura? Este luns, a Televisión de Galicia emite un programa especial no que coñeceremos todos os pasos do proceso creativo, construcción de decorados e gravación. Os seus creadores darannos os detalles: como se escribe unha serie, como se elixen os actores que darán vida aos personaxes e ata como se escolle o seu vestiario, cor de pelo e forma de falar.
Veremos como un plató baleiro convértese nunha rúa comercial dunha cidade galega calquera, cos seus establecementos e veciños. Que é de verdade e que de mentira, e ata como se consegue que neste pequeno mundo brille a luz do sol ou se faga de noite. Tamén gozaremos dun pequeno adianto desta serie, que só ten como propósito que o espectador pásello ben véndoa.
Gravada integramente nos platós da productora, Chapa e pintura transpórtanos a un ficticio vecindario onde, entre outros establecementos, conviven unha tenda- taller de motos e un salón de beleza. Unha tranquila e próspera rúa peatonal onde a vida podería transcorrer moi pracenteiramente, si non fóra polas intrigas dos seus veciños, envolvidos nesa guerra tan incruenta como divertida, que é a guerra de sexos.
Reparto de garantías
Chapa e pintura conta cun reparto contrastado no que se combinan nomes moi recoñecidos con actores que se estrean. Nomes como os de Manuel San Martín (Géminis, Libro de familia), Mara Sánchez (Mareas vivas, Libro de familia, Matalobos), Carolina Vázquez (Padre Casares, Matalobos, A miña sogra e máis eu), Vitoria Teijeiro (Aguia Vermella, Aída, Cóntame), Xoel Yáñez (Matalobos, Vilamor), Miguel Pernas (Mareas vivas, Pratos combinados, Góndar), Fernando Dacosta ( Pradolongo, A metade dá vida), Mariana Expósito (Matalobos, Padre Casares, Escoba!), Dores Gippini (A miña sogra e mais eu) e Fernando González.
O reparto complétase, entre outros, con tres alumnos saídos da Escola de Interpretación de Voz Audiovisual: Carmen Branco, Antón Belmonte e Ismael Sobrino.
A ritmo de tango
Para este novo proxecto, Voz Audiovisual buscaba unha canción que se axustase ao ton e contidos da serie, valorando especialmente a personalidade da música. Por este motivo, organizouse un concurso aberto e para o que non se impuxeron límites nin de estilo nin de creatividade. Podía participar calquera persoa, con ou sen experiencia no sector e os temas debían ser, en todo caso, en galego, inéditos, orixinais e non presentados a outros certames anteriores. Prepárache para sufrir, un tango de Ramón Feáns, foi o tema ganador; un tema que xa soa desde fai semanas na canle autonómica.
“A parella. Instruccións de uso”
Chapa e pintura chegará á TVG o luns 7 de outubro en horario nocturno de máxima audiencia. Xusto antes da emisión do primeiro capítulo, a canle autonómica estreará A parella. Instruccións de uso, un programa de vinte minutos de duración que nos achega, dun xeito simpático e desenfadada, ao mundo da parella. Un espazo feito á medida dos espectadores de Chapa e Pintura; un foro para que o público fale sen complexos do que supón a convivencia. A parella. Instruccións de uso suscitará preguntas que todos facémosnos/facémonos pero que non nos atrevemos a responder e buscará a resposta naqueles sitios onde a xente fala sen complexos: os talleres, as barbarías, os pequenos faladoiros improvisados na rúa… Un pequeno exercicio que, a recado, levaranos a compartir a opinión daquel xenio que dicía que a realidade sempre supera á ficción.