O Centro Galego de Artes da Imaxe (CGAI) (Durán Loriga, 10 baixo, A Coruña) proxecta hoxe luns 14 de xullo ás 20.30 horas as curtas premiadas no último Festival de Cine de Cans. Os traballos serán presentados polo director do Festival, o tamén xornalista Alfonso Pato. A entrada é gratuíta.
Curtas FESTIVAL DE CANS
SÁLVAME (Javier Veiga, 2007). Duración: 21 minutos.
PERVERSA LOLA (Sonia Méndez, 2008). Duración: 19 minutos.
1977 (Peque Varela, 2007). Duración: 10 minutos.
A REVOLTA DOS MOUSES (David A. Gen, 2007). Duración: 14 minutos.
MÁIS CANS QUE NUNCA (Luis Otero, 2008). Duración: 7 minutos.
Duración total: 71 minutos.
Antoloxía de curtas premiadas no Festival de Cans: Proxección de “Sálvame”, a comedia dirixida e protagonizada por Javier Veiga, gran triunfadora nos premios deste ano (Premio do xurado e do público); “Perversa Lola” , premio á mellor actriz para Nuria Sanz; os traballos de animación “1977”, proxectada en Sundance e que emprega unha mestura de diversas técnicas (premio do Xurado) e “A revolta dos mouses”, premio do público para un singular enfrontamento entre ratos (de ordenador) e lápices. Inclúese a movie-machine, composición con fotos e músicas, “Máis cans que nunca”.