A actriz Susana Sampedro e o deseñador de son David Machado presentaron hoxe en rolda de prensa as candidaturas finalistas dos XXIII Premios Mestre Mateo.
No acto, o presidente da Academia Galega do Audiovisual, Álvaro Becerra, tamén desvelou que Teté Delgado será a presentadora da próxima gala e a coreógrafa Marta Alonso será a encargada de dirixir a cerimonia, que contará cun guión de Carlota Mosquera e Manolo Cortés.